PROMOCIÓN DEPORTIVA: REMO

Outra das actividades a desenvolver no Proxecto Deportivo de Centro é a promoción de deportes minoritarios. Esta actividade desenvolveuse coa colaboración do Clube de Regatas de Perillo e consistiu nunha camiñata seguindo o paseo da Ría do Burgo ata as instalacións do clube, na praia de Sta Cristina. Esta actividade dirixiuse ao alumnado de 6º curso e alí coñeceron algunhas das embarcacións de remo tradicional e outras utilizadas para a aprendizaxe da técnica de remo, así como a súa familiarización co material e vocabulario específico do deporte do  remo.

O tempo acompañou a actividade e facilitou o desenvolvemento da mesma coa que se pretende dar a coñecer outros deportes, as habilidades e capacidades físicas que se requiren e a súa práctica no entorno próximo do alumnado. 

Ahora só queda darlle continuidade, de tal xeito que todo o alumnado de 6º curso poida ter esta experiencia deportiva na súa escolarización.

PROXECTO DEPORTIVO CENTRO 2018-19: "CORRETEANDO"

Durante o presente curso presentamos novo proxecto deportivo para participar dentro do Plan Proxecta, continuando coa dinámica de anos anteriores e incrementado tarefas que fagan do mesmo un proxecto integrador e participativo para toda a comunidade educativa. Axuntamos proposta do proxecto.

CONviveCON: PRIMEIRA XORNADA DE CONVIVENCIA INTERCENTROS

Durante o presente curso e dentro da actividade CONviveCON, proposta de convivencia lúdica intercentros, organizamos a primeira xornada no CEIP Wenceslao Fernández Flórez de Cambre. Esta actividade pretende establecer relacións e vínculos de amizade entre o alumnado de 6º curso adscrito ao IES Alfonso X el Sabio da Barcala.

A actividade consistiu nunha camiñata do alumnado do Ceip O Graxal  e CEIP Portofaro ata o CEIP Wenceslao seguindo a ruta do río Mero. Unha vez chegados ao colexio, desenvolvéronse xogos entre todo o alumnado en tres zonas diferentes polas que ían rotando. O alumnado compartiu xogos tradicionais, fixeron partidas de brilé e de 3x3 en baloncesto. Despois desta actividade, fíxose un descando para recargar as enerxías e voltar de novo aos colexios de orixe camiñando.

O alumnado manifestou interese por esta actividade que sin lugar a dudas continuará organizándose nos diferentes colexios.